吳君如昨日於機場出席「正視行動2010頒獎禮」，獲委任為奧比斯兒童大使，她於4月曾到印度探訪，並打算之後若再去貧困地區探訪，會帶女兒同行，君如說：「之前帶佢去雲南探老竇班，佢都OK，不過大部份時間留喺酒店游水，平時佢見隻蚊都咿嘩鬼叫。」
談到被指與劉嘉玲因推戲而不和，在商天娥婚禮互不理睬，君如說：「我以後唔去飲，上次去飲又話我同小春嗌交，都唔知係咪去飲剋星，我同嘉玲成日見面傾電話，嗰日見到啲十幾年冇見嘅朋友，好開心，做乜要同成日傾偈嘅人傾先，我同華倩都冇打招呼啦，我要問吓蘇民峰係咪紅白二事都唔去得呀。」
談到陳冲執三攤接拍甘國亮的《熱愛島》，君如說：「恭喜甘生部戲開到。」
from:
http://hk.apple.nextmedia ... art_id=14554970
