混血名模Rosemary上周在美國涉嫌藏毒及撞車後不顧而去被捕，日前已秘密返港，有指她日內會返法國。形象插水的Rosemary，心情跌至谷底，設計師好友鄧達智力勸她要面對事件，不妨藉機狂接job，無論如何他都會力撐她。
現年28歲的中法俄混血模特兒Rosemary，上周在美國內華達州涉嫌藏毒及撞車後不顧而去，結果兩度被美國警方拘捕，本報日前更獲得Rosemary當日在派對被拘捕後所拍的犯人照，戴上手銬的她樣子憔悴，錄口供時更承認在派對會場獲得搖頭丸。Rosemary日前低調返港，但一直迴避傳媒，原定後天出席設計師好友鄧達智和何國鉦的活動也已取消，並會於日內返法國避靜。
鄧達智連日跟好友Rosemary保持聯絡，他透露Rosemary受連串負面消息影響，十分沮喪，他昨日在電話中說：「Rosemary本來出完周四活動就返法國，但家搞到咁，佢心情仲差，不如早啲走。我叫佢take it easy，既然新聞係咁，不如借勢接工作，否則好難承接返轉頭。」
對於Rosemary臨陣甩底，鄧達智十分體諒：「我唔會放棄佢，如果有工作都會搵佢。」鄧達智昨日接受商台訪問時也表示Rosemary在美國涉嫌犯案事件因被BBC和CNN報道，令情況變壞，當Rosemary徵詢過律師意見後，索性封嘴，有指她被控兩罪，需於本月19日和29日返美應訊。
問到鄧達智會給Rosemary甚麼意見時，他說：「佢14歲開始同我行騷，我覺得佢唔係一個貪玩嘅人，佢A Level都有4個A，佢媽咪好錫個女，其實Rosemary好自信，自主力又強，佢唔想做乖乖女，但佢唔係反叛，我明佢諗乜嘢。」鄧達智又說：「不過今時今日世風日下，Rosemary都講過呢件事唔係大家想像中咁大。」言下之意似暗指涉毒並不是大問題。
記者昨日又致電Rosemary母親Julie，她只說：「唔好意思，律師話我唔講得。」那Rosemary可是準備昨晚離港到法國，她可會同行，Julie再說：「唔講得o架。」
from:
http://hk.apple.nextmedia ... art_id=14447165
