鄧麗欣（Stephy）昨日到銅鑼灣擔任跳舞比賽嘉賓，近日在內地拍劇的她都有留意港人於菲律賓遇害慘劇，她說：「菲律賓警方處理呢件事真係太差，遇害嘅港人好無辜，之後我睇到啲當地人企喺旅遊巴前影相，同埋開咗死者嘅棺木影相，我真係好嬲。」Stephy表示活動後即飛返昆明拍劇，故未能參加遊行。
有報道指方力申的父親親證小方和Stephy的婚訊，Stephy對此笑說：「我都唔知傳第幾次啦，我估係抄番舊聞。我10月仲喺內地，都唔知點結婚。」她又透露小方曾提及該報道的記者曾找其父，她續說：「小方話個記者好冇禮貌去搵佢爸爸，其實唔好再搞藝人嘅屋企人啦。」
from:
http://hk.apple.nextmedia ... art_id=14396129
