今年30歲的容祖兒昨日出席新碟發佈會，直言感情一片空白，面對被指為「剩女」，祖兒認為絕對與自己扯不上關係，更高調表示自己是處女之身，一直都未被開封，認真可喜可賀，因為她絕對是樂壇的稀有品種。
容祖兒昨日在銅鑼灣出席新歌MV首播發佈會，MV中祖兒更捨棄以往濃妝造型改以淡妝亮相，相信她對自己的外貌十分有自信，她說：「今次嘅造型同以往好唔同，冇晒啲smoky eyes同濃妝，成個畫面都唔係好多顏色，成班同事都話我今次真係好有膽量。」
將於11月舉行演唱會的祖兒，表示籌備今次個唱會比以往忙碌，因為經理人霍汶希（Mani）將放半年假到美國進修，故新碟宣傳和演唱會事項均需她一腳踢。問到Mani是否秘密結婚？她說：「我又冇問，佢每兩、三年就出去學吓嘢，我都希望佢可以搵到好住家，都係好事。」
祖兒更大爆Mani不時介紹男士給她認識，至於是否有富豪二代，她說：「我都唔知乜嘢人，都係朋友朋友嘅細佬，不過我次次都畀檸檬Mani食。」
祖兒自言十分揀擇，且絕不需要刻意安排，因為她相信緣份。問到會否擔心變剩女，她竟直認自己仍是處女身，她說：「我都話呢個形容詞唔係好理解，剩係用完用剩咁，我都未開封，又何來剩喇。自己向來都大把貨，所以唔心急，我絕對相信終有日鐵柱都可以磨成針。」自稱不心急拍拖的祖兒，被問到打算花多少時間找男友，她說：「我加入樂壇幾耐，就投放幾多時間囉。」
提起Mani要到美國讀書，祖兒表示要開始學照顧自己，但最令她捨不得的竟是沒有人與她嘈交，她說：「因為每次開演唱會之前都會同佢嘈交，今次就冇人同我嘈喇。」
from:
http://hk.apple.nextmedia.com/te ...462&art_id=14363533
