人工美女圈中有不少，但承認加工的就甚少，繼樂基兒、甄詠珊後，吳浩康女友、30歲模特兒莊思敏昨日公開承認隆胸加工。莊思敏最近收取6位數字酬金做美容院代言人，上周一次過做隆胸及勾雙眼皮手術，谷盡上圍至C Cup，她昨日接受電話訪問時說：「個胸好腫好硬。」
應屆港姐季軍莊思明，美貌備受抨擊，她的大家姐、吳浩康模特兒女友莊思敏，最近卻先她一步人工改造容貌。莊思敏最近出任美容院Dr.Reborn代言人，她上周在媽咪陪同下全身麻醉做隆胸手術，割開兩邊乳暈，每邊植入230cc的矽袋，上圍由31A變31C，又做雙眼皮手術。她小休幾天，傷口未拆線，前天已戴住黑超出席活動。
莊思敏昨日接受電話訪問，仍未享受到豐胸成果，她說：「未得呀，個胸仲係好腫同好硬，因為條束胸帶束得好緊，要固定矽袋個位，反而傷口一啲都唔痛，只係皮膚有啲拉緊，突然個胸咁大。」她謂現時要改變側睡習慣，改為平瞓，換衫也不可以舉高手。
莊思敏又謂升到C Cup已是極限，她說：「size係可以揀，但我啲皮薄，所以C Cup已經盡o架喇。其實我之前都有試過好多方法豐胸，用人手、用藥呀，但發現唔放嘢入去真係唔得，咁矽袋安全啲，唔會流入身體。」她謂得到父母、男友吳浩康支持，也公開承認加工，她說：「有擔心有反對聲音，但整咗都冇得瞞，同埋我唔想講大話，再用大話冚大話。」
此外，莊思敏昨晚戴住墨鏡、包到冚和妹妹莊思華出現，隱約見到她仍然雙眼浮腫，她說：「仲未好番，要多個禮拜先拆紗布，因為個活動好耐前接落，又係慈善，所以照嚟，都要小心唔好俾人撞到。」
from:
http://hk.apple.nextmedia ... art_id=14339689
