周秀娜昨日與Jessica C.及傅穎等為新戲練沙灘排球，時晴時雨的天氣無礙靚女們騷身材及投入打波，大雨襯大乳，果然好波。周秀娜與傅穎的緋聞男友羅仲謙飾演一對，她不怕有人呷醋，還謂不怕多女仔多是非，反而覺得有助宣傳。
周秀娜、Jessica C.、傅穎及A.Lin和DaDa等一班o靚模，昨早在黃大仙的沙灘排球場，為新戲《Beach Spike熱浪球愛戰》練習打沙灘排球，她們已為此秘密練習近三個月，昨天所見，眾靚女都身穿小背心短褲，一副打沙灘排球的輕便衣飾到場。未知是否因身材相形見絀的關係，傅穎是眾人中最密實的一個，故意穿上T恤遮遮掩掩。
昨日天氣酷熱，加上忽然下大雨，翳焗之極，眾女打至香汗淋漓，她們跟着教練指導不停練習網前殺波及瞓地救波，周秀娜與Jessica C.算是打得最落力投入，其中Jessica無論身材與球技都稍勝一籌。
Jessica表示身材好打波不會不便，而且可以打得更好看，她又稱讚其他女仔身材不俗，不會妒忌她特別出眾，因每人都有可取之處。
周秀娜接受訪問時，談到多女仔合作會否多是非？她說：「多女仔先勁，確實係要咁多女仔，又可以做吓宣傳。」娜姐又謂不怕多女又大乳，她說：「唔會浸死人嘅，大家相處都好好，Jessica身材好好呀！」但她謂沒有留意傅穎的身材，娜姐說：「平時大家着運動裝，留意唔到。」
娜姐在戲中與傅穎的緋聞男友羅仲謙飾演一對，會否怕傅穎呷醋？她說：「拍戲啫，我現實中都有男友呀！」傅穎則說：「益咗佢（指羅仲謙），咁多靚女，我都有林子善，今次我搞笑為主，周秀娜扮cool。」談到不夠性感，傅穎說：「我有着泳衣喺裏面，我都有露臍o架。大家不嬲知我多布啲，2D都OK，3D就少少保留囉，又唔係鬥身材，大家打波啫！」
羅仲謙被問到覺得現場哪位女星最靚，他說：「我好主觀，你哋都知o架啦。」他大讚傅穎長得標致，周秀娜做戲夠放，Jessica打排球厲害，但難溝通。
from:
http://hk.apple.nextmedia ... art_id=14335501
