周秀娜昨日繼續與幾位新舊8模師妹在盤龍峽做龍友的模特兒，她們隨團做陪玩陪食兼陪影的「三陪」小姐，旅行社有見反應熱烈，年底計劃再邀請周秀娜帶團到新加坡。
周秀娜率領師妹「嫩版冰冰」Jeana和「嫩版杏兒」Betrys迎戰龍友的長短火鏡頭，並在水世界取景，她們穿上比堅尼打底，外套T恤，水戰下大玩濕身誘惑，一班龍友則拍至汗流浹背。
周秀娜昨日在電話中說：「佢哋個個都好有禮貌，雖然今日要濕身外影，但大家當玩，好開心，一啲都唔辛苦。」有龍友與Betrys等新8模成員合照後，竟急不及待除淨泳褲跳入水中，齊齊濕身水戰，但離開時卻忘記拾回濕透的褲子。
此外，剛滿18歲的Betrys跟性格開朗的Jeana同樣受龍友歡迎，Jeana更自爆有龍友向她示愛，她說：「影影吓相嘅時候，有一名龍友行埋嚟同我講話自己有1,000萬，仲話要同我一齊，又問我攞電話，我聽完同佢講番話1,000萬好少錢，好快使晒，佢即刻好冇癮，我都推佢話唔方便畀聯絡電話佢。」對於龍友的熱情，Jeana感到啼笑皆非。
from:
http://hk.apple.nextmedia.com/te ...462&art_id=14331804
