容祖兒（Joey），徐濠縈及黃偉文（Wyman）昨日齊齊現身中環I.T.，出席英倫設計師Gareth Pugh的時裝活動，Joey如小粉絲般表示：「希望佢可以十一月同我設計演唱會歌衫，佢肯我乜都得，我9、10月會去巴黎，倫敦排舞，到時Wyman都會陪我搵古董歌衫。」問到她會否在演唱會挑戰性感極限，她笑言：「未諗到，自己冇乜底線，但要減肥，目標減10磅變成人乾就好。」
阿徐則透露剛與女兒康堤到台灣與Eason慶祝生日，問到她會否生B當禮物，她說：「會生，不過遲啲先，時裝店成日要開會同出埠，佢係男人冇所謂唔使佢陀。」記者笑她時裝店生意好，賺夠四百萬可以生B，她說：「呢啲應該count落Eason度。」
