無綫力捧的王祖藍與林峯前晚分別開騷，祖藍於伊館演出頭場《咪咁扮嘢王祖藍演嘢會》，他以多個搞笑造型登場，扮Sammi《信者得愛》的Deep V，扮Handelababy又扮小丑，他又展現扮聲絕技，扮小朋友及老人家都維肖維妙，玩諧音粗口講不文笑料乜都齊。後來祖藍的配音老師謝月美上台談發掘祖藍的經過，師徒互勉一番。
另一嘉賓鄭欣宜則與祖藍大跳貼身舞，胸撞胸動作頗火辣，二人又一起打鼓，相當精采，祖藍大讚欣宜比徐子珊還美麗，又說：「因為我似林峯咁靚仔嘛。」連祖藍母親及妹妹也粉墨登場，在其短片中扮窮鬼出現，十分搞笑。
至於林峯前晚則在紅館演出尾場個唱，與徐子珊的辣身舞比前更激，他整個人伏在子珊身上，惹得歌迷高聲尖叫。容祖兒則上台合唱，二人互笠高帽，祖兒趁機宣傳《翡翠明珠》，她說：「有場戲你親吻我，報紙寫咗幾日話你唔想咀我，我屈咗幾日。」林峯即上前欲錫祖兒，誰知祖兒避開，並說：「呢度咁多你嘅人，我唔敢奪你嘅吻呀。」林峯唱到完場時表示感謝fans支持，灑下男兒淚。
