o靚模周秀娜今年書展被貿發局嚴禁進場造勢，但無損寫真集銷量，埋單仍售出逾3萬本佳績，榮登寫真女王，周秀娜本欲挾勢孖住警鐘胸o靚模Jessica C.孖咇殺入今日開鑼的第十二屆動漫電玩節，可是卻遭大會封殺；百果園E神陳靜有見書展人氣輸足成條街，她昨日單拖開胸現身動漫節會場，谷胸迎戰偷雞進場的周秀娜和Jessica。
第十二屆香港動漫電玩節今日在會展揭幕，展開一連5天的活動，o靚模又要埋身肉搏，雖然大會事前出招指為控制人流，禁止高知名度人士進場，在書展贏盡人氣的周秀娜、Jessica C.和浸大咪神楊梓瑤先後接到禁足令，人氣被遠遠拋離的百果園E神陳靜則倖免，她獲動漫節大會放生，昨日明知周秀娜和Jessica偷雞踩場試玩新遊戲，陳靜即以Deep V私伙裙晒34E豪乳，增強事業線，決意收復書展失地。
陳靜單挑孖咇女神
陳靜的寫真集未夠吸引，以致人氣滑落，她昨日在會展動漫節為遊戲商Gamania造勢，單挑迎擊Xbox 360的兩位嘉賓周秀娜和Jessica，陳靜酥胸半露撐場，但仍不敵周秀娜和Jessica以性感bra top短褲晒孖鐘，兩女現身攤位試玩時，周秀娜不慎露胸墊和黑底，上下失守搶鏡，她們孖住玩遊戲招來場內其他攤位工作人員近百人圍觀，十分熱鬧。
陳靜未被大會列為知名人士，故能名正言順入場，她說：「唔畀入係另一種開心，但家畀入又係另一種開心。」陳靜明年目標可是努力升呢成知名人士，她說：「我日日都好搏，呢排都捱病咗，家都有啲臉腫腫。」陳靜否認昨日臨時為狙擊周秀娜而來，她說：「我一早知要嚟。」
縮水警鐘胸拒踩場
迎戰開胸陳靜，周秀娜和Jessica既試玩又打手印，兩女論養眼，Jessica貨不對辦的警鐘胸不及谷胸的周秀娜，但周秀娜卻說：「件衫係客戶揀，我只係揀自己鍾意嘅顏色。」
周秀娜昨日風騷進場，不忘再開腔寸爆大會說：「我最開心係今日成為亞洲首位知名人士試玩新game，我又第一次打手印，估唔到翻版樂基兒都可以打手印。」周秀娜和Jessica異口同聲指今日不會踩場動漫節，Jessica說：「幸運係今日嚟到，唔幸運係聽日嚟唔到。」大會日前禁止周秀娜和Jessica進場，她們昨日趁活動未開始走位入場，向大會示威，但周秀娜否認：「今日嘅活動係一早決定，唔係臨時加。」
身為遊戲商Enterbay宣傳大使的浸大咪神楊梓瑤（Carol），因遭大會施壓禁入場造勢，她今日改以巿民身份入場購物，Carol昨日到動漫會場試玩新網絡遊戲時，並透露遊戲商本安排胸前開窿旗袍示人，但怕招惹大會不滿，臨時封胸現身。Carol對於升呢成知名人士，她說：「唔知會咁，我係新手，我聽日會自己畀錢買飛入場買嘢。」Carol對大會安排無所適從，她說：「無端端又關我事，知名人士嘅稱呼，我拍馬都追唔上。」
浸大咪神回歸校園
Carol先後在書展和動漫被拒絕入場，她否認與寫真集意識不良有關，Carol不滿地說：「不如以後唔好畀o靚模入嚟，對於呢啲限制我莫名其妙，好唔公平。」Carol否認自己亮相會搶大會舉辦ACG Girl候選人的風頭。對於早前梁詠琪公開勸Carol多讀書，她說：「我九月返學啦，多謝佢嘅意見，但人各有志。」
採訪：馬建華 攝影：黃文成
話你知：o靚模出產品再掘金
香港動漫電玩節一向吸引電玩迷熱捧，第12屆香港動漫電玩節今日開始至8月3日一連5日在灣仔會議展覽中心舉行，入場票價為28元。去年吸金女王周秀娜在場中大賣肖像攬枕，連13歲的小朋友也前往購買，掀起熱話。今年o靚模也趁動漫節吸金，周秀娜將乘勝追擊推出水戰用品、iPhone套及閃卡，浸大咪神Carol（圖）則推出電腦滑鼠墊及T恤，Donut則推出寫真DVD。
花絮：阿雪谷爆扮天使
陳志雲愛將孫慧雪昨日以「破邪天使」cosplay造型亮相為動漫節造勢，她谷爆33B咪咪搶鏡，原來她一身裝束，正是該遊戲代言人、擁36D導彈趙碩之的打扮，但穿在阿雪身上，身材毫不輸蝕，她說：「多謝你哋，我之前試衫，呢件都唔係最性感。」
花絮：妄攝女以暴易暴
妄攝女Kinki和Debby今日獲Xbox 360安排在動漫節做image girl，兩女昨日入場做宣傳，她們的寫真集《inside》以撕衫作賣點，問到二人可擔心遭人撕衫？Debby說：「我件衫黐晒膠紙。」Kinki則說：「如果有人撕我，我就撕番佢。」
今日觀星時間表
「2010第十二屆香港動漫電玩節」開幕活動
時間：9:00am地點：大舞台
出席：Rainbow、Ar Yu、Irene、Sweet、Vilian
Gamania活動
時間：10:00am及4:00pm地點：C11
出席：百果園E神陳靜
Enterbay促銷活動
時間：11:00am及3:00pm地點：Enterbay E28-29
出席：浸大咪神Carol
Heartbeat青年音樂祭
時間：7:30pm地點：表演舞台
出席：Puffy、Castle、Fudanjuku
from:
http://hk.apple.nextmedia ... art_id=14292457
