容祖兒昨日在尖沙嘴海運大廈出席《警訊》吉祥物設計比賽頒獎典禮，她表示小時候已經充滿正義感，但從沒想過當警察：「我志願係唔可以做一個賊，做乜嘢都可以，但就冇想過做警察，因為自己個人冇乜嘢紀律，反而之前聽到我細佬話想考警察，最後係唔合資格。」想不想找個警察男友，她說：「冇諗過做警察女友，睇戲成日三更半夜出動，又會提心吊膽，好冇安全感。」
早前鍾欣桐（阿嬌）一名歌迷將印上阿嬌封面的四級色情光碟，偷偷放在便利店的雜誌中，祖兒沒有就此事跟阿嬌聯絡，她認為阿嬌不會有事，她說：「如果隻碟係我，俾人睇到都會心臟病發，同埋我唔會有人睇囉！」
祖兒有自知之明，冇肉睇，所以不會有人想睇，她說：「好明顯啦，硬係要講人哋弱點出來。」曾經被指疑似日本AV女星，祖兒表示沒有聽過：「冇聽過喎，有人話我似Angelina Jolie（安琪蓮娜祖莉）。唉！連人哋唔想講都要人講出來。」
from:
http://hk.apple.nextmedia ... art_id=14260333
