鄧麗欣、林峯和梁詠琪昨晚在無綫電視城錄影《勁歌金曲》，最近走舞女路線的鄧麗欣戴上頸箍，她透露頸椎移位說：「睇咗醫生話情況嚴重，發炎，瞓覺好似木乃伊。」不過她表演新歌《No One Knows》時除掉頸箍，又唱又跳，她表示盡量不太大動作，並嬌嗲謂方力申未知情況，但會向他取意見。
林峯對於有傳下月1日港姐選舉於紅館舉行，他的個唱要讓期，他說：「一向都知嗰日係香港小姐，同埋我哋要預一日拆台，所以加喺前面。」另有指他憑新劇《摘星之旅》與黎耀祥的《巾幗梟雄之義海豪情》爭視帝，他說：「我冇睇報道，但我都想睇祥仔嗰套。」此外，錄影時主持MC Jin宣佈下周《勁》進行大改革，由他與羅敏莊擔任主持。
from:
http://hk.apple.nextmedia ... art_id=14240918
