樂基兒昨日與一眾o靚模出席櫻唇誘惑活動，樂基兒自覺嘴唇又大又厚，稱不上性感，還自爆童年時被阿媽強迫箍牙，以為嘴巴會變細，結果一樣豐厚、嘴大，笑言想要求醫生退錢，樂基兒又對老公黎明的嘴唇讚好。
樂基兒、張玉珊、陳偉霆、汪圓圓、陳見飛和李蘢怡等，昨日到中環出席新唇彩宣傳活動，由化妝師Rick Chin現場為一眾o靚模塗上色彩示範，再選出誘惑櫻唇得獎者，樂基兒則即席獻出唇印，宣揚愛的訊息。
嘴唇豐滿猶如個人標誌的樂基兒，不少人稱讚她有張性感嘴巴，但她從來沒有同感，她說：「好多香港人都咁講，我冇咁諗，其實我個嘴幾大同厚。」老公黎明曾否稱讚厚唇？樂基兒說：「冇呀，大家鍾意咪得，媽咪都冇讚過，7歲時媽咪逼我箍牙，就係因為嘴唇太厚，但箍完都咁厚咁大，想問醫生攞番錢。」
樂基兒又很滿意老公的嘴唇，她甜絲絲說：「自己老公梗係話鍾意，我鍾意佢個人。」提到黎明很鍾意講金句，她即說：「我都鍾意聽，我聽得明。」記者將黎明早前「唔好空肚食早餐」金句告知她，她一臉惘然說：「點解唔可以空肚食早餐呢，咁食乜？」但依然激讚老公金句。
羅仲謙昨日以開胸裝示人，露出男人的事業線，他在台上自稱其唇形較突出「令立立」。
陳偉霆則露出小腹，他透露初戀時跟女友同樣箍牙，深刻記得當時常弄損嘴唇，有人即揣測箍牙女友是Angelababy，陳偉霆即否認，至於近日o靚模遭黃秋生抨擊，陳偉霆希望罵戰盡快平息。
from:
http://hk.apple.nextmedia ... art_id=14212201
