舒淇、江美儀、劉浩龍等有份演出電影《美麗人生》昨日在牛頭角一茶餐廳內拍攝煞科戲，舒淇甫坐下即叫嚷：「係咪有叉燒蛋飯」。今次電影描述舒淇被騙感情，舒淇以身經百戰口脗說：「睇吓乜角度，唔開心咪覺得俾人呃，開心咪呃得好舒服囉！」
初出道時舒淇曾出過大膽寫真，如今o靚模賣弄性感襲娛圈，舒淇說：「身材靚想騷畀大家睇，何樂而不為，現今社會好開放，好多女人騷身材，男仔鍾意睇，一舉幾得，最緊要文字唔好太過份，相靚冇問題。」不過黃秋生狂轟o靚模，又點名斥周秀娜冇智慧，舒淇說：「相信秋生出於唔想教壞後生女啫，我同周秀娜合作過電影《全城戒備》，佢幾乖幾得意，好靚女，身材好正，睇到覺得好索。」
from:
http://hk.apple.nextmedia.com/te ...462&art_id=14204360
