古天樂前晚現身機場，為國際時裝品牌Bally出發到米蘭，今次古仔獲邀請到當地欣賞時裝騷，並會留在米蘭為該品牌拍攝春夏季宣傳照，他是首位華人為該品牌拍攝春夏季宣傳照，此行他會逗留五天。
古仔今次酬勞十分可觀，他說：「除咗做嘢，我喺當地就會休息，其實留喺當地只得兩、三日，所以冇帶家人去，費事太趕，不過我應承咗父母會買禮物畀佢哋。」
早前古仔在網誌內自爆羨慕吳彥祖成家立室，他笑言自己仍以事業為先，暫時未考慮結婚。近日Angelababy和黃曉明戀情浮出地面，古仔曾與Baby合作電影《花田囍事2010》，但他坦言自己感情事一向不回應，何況是其他人的緋聞。
from:
http://hk.apple.nextmedia ... art_id=14155497
