憑33E驕人上圍成為電車男新寵的百果園E神陳靜（DaDa），繼遭鹹網盜用陳年舊照賣徵友廣告後，最近又爆出被前男友偷拍床照，以及遭人電話及facebook性騷擾，DaDa堅稱只得床照而沒有情慾照，行性感不等於隨便及開放。
百果園E神陳靜昨日聯同翻版大S李莉琳（Liz）以及蔡瑩瑩（Ivy），出席紅磡一個商場的開幕儀式，同場羅莽教她們防狼術，但搞笑多於實際效用。
「總之係變態嘢」
DaDa日前聲稱被前男友偷拍床照，最近更備受變態電話性騷擾，昨日穿上低胸小背心大晒事業線的DaDa，對此事說：「我呢排俾人喺facebook同電話騷擾，但內容唔想再講太多，總之係變態嘢，我聽完之後都唔開心。」問她為何還以性感形象示人？她竟然說：「我已經密實咗，本來大會預備咗一套好性感嘅衫畀我，但同公司商量之後，家我會盡量密實啲。」
提到被前男友偷拍床照一事，DaDa堅稱只被拍下穿睡衣的相，不過很快已經被她發現及刪除，問會否在不知情的情況下被人拍下情慾照？她說：「唔會，佢冇咁叻，嗰陣佢部相機都係舊款，但因為呢兩件事好巧合，所以我有懷疑係佢做，我好希望佢唔好再打嚟，如果有一日我覺得人身受到威脅，我會去報警。」
from:
http://hk.apple.nextmedia ... art_id=14139566
