近日人氣急升密密接job的百果園Ｅ神陳靜（DaDa），本周日偷空到尖沙嘴行街買衫，不過，行足成粒鐘的她，竟左試右試也捨不得出手。之後餓到暈的DaDa到附近買了10元雞蛋仔當早、午餐醫肚，認真慳家。
百果園Ｅ神陳靜（DaDa）本周日（6日）單拖到尖沙嘴利時商場行街睇衫，她在地下兜了一圈後便走進其中的Season 4時裝店，左揀右揀後，揀了一件紅色tube top試身，又試穿高跟鞋。其間DaDa不時露出深深的事業線，但最後還是空手離開。之後她再到樓上店舖睇衫，但兜了好一會還是沒有收穫。
離開利時後，DaDa走到加連威老道買了10元雞蛋仔及一包紙包飲品，然後邊行邊食，一副相當肚餓模樣。
前日記者致電DaDa，問她為何行街不找個伴時，她說：「當日我約咗朋友，但未夠鐘，所以咪行吓街先！近排我工作好忙，嚟緊世界盃有好多function做，順便睇定啲衫。」談到當日她邊行邊食雞蛋仔相當為食，DaDa解釋說：「呢餐係我早餐同午餐，呢排keep fit，唔敢食好多，零食更加唔可以，公司叫我忍口。不過，嗰日行行吓見頭暈，所以買雞蛋仔食。」
記者指她十分慳儉，DaDa說：「我想儲多啲錢，因為收入未穩定，自己又搬咗出嚟住，有一定開支，有時工作夜趕時間要搭的士，所以其他開支慳得就慳。」
from:
http://hk.apple.nextmedia ... art_id=14118729
