容祖兒和楊千嬅昨晚到將軍澳電視廣播城錄影《勁歌金曲》，早前祖兒因連續多日腹瀉，令好友十分擔心，昨晚她一臉倦容出現，她說：「有晚我瞓唔着，媽咪畀咗兩嚿榴槤我食，點知我之後嗰五日就豪屙、狂屙、山泥傾瀉咁屙。」
祖兒續說：「我又要去菲律賓拍廣告，所以帶咗條屍去做嘢，但係我冇時間睇醫生，有keep住食藥，返嚟仲屙緊，自己都擔心會係手足口病毒，家仲有屙水，都有瘦少少。」
下周三30歲牛一的祖兒更不顧忌諱詛咒自己，她說：「希望自己過到30歲啦，前幾日我喺酒店有個燈罩跌落嚟，但我又死唔去，可能我做得善事多。」
此外，半年冇上過《勁歌》的千嬅自言不知節目收視差，她說：「《勁歌》係我工作成長中嘅節目，特別有感情，希望唱live可以刺激我唱得好啲。」
from:
http://hk.apple.nextmedia ... art_id=14118699
