無綫劇集《掌上明珠》藝員陶大宇、宣萱、商天娥和滕麗名等，昨日到將軍澳東港城宣傳，滕麗名玩遊戲時為保護劇中小演員而一仆一碌倒在地上，場面搞笑。
宣萱早前與外籍男友同遊南非，被指見家長好事近，她昨日有備而來，甫見傳媒即說：「唔係呀，只係去旅行，咁都有見到男友家人，佢哋好nice，呢兩個星期玩得好開心，一齊去睇動物，享受大自然，做遊客做嘅嘢。」莫非這就是宣萱夢寐以求的婚姻生活？她說：「冇諗過，家拍拖啫，男友亦未有求婚，我都唔心急，唔會俾年齡或生小朋友規限而要結婚。」
不過宣萱也指Lisa S.與吳彥祖在南非的婚禮是其理想，她說：「簡單，原始，只有身邊最親密嘅人參加，係我睇過咁多婚禮中最鍾意。」宣萱本有意續留南非睇世界盃，但因當地搶劫情況嚴重，最終因擔心治安問題而打消念頭。
此外，陶大宇近日被拍到搭上21歲內地翻版郭羨妮，昨日他封口避談緋聞，對於感情狀況，他只拋下一句「多謝關心」。
from:
http://hk.apple.nextmedia ... art_id=14083803
