繼台灣32E童顏巨乳郭書瑤（瑤瑤）之後，香港BMA將再力捧巨胸台灣妹、擁有34G震撼上圍嘅台大校花楊伊湄，勢要一舉攻陷宅男市場。
馮仁昭聽聞香港BMA博美集團同台灣嘅種子音樂結盟，組成博美種子（bma seed），主力拓展大中華市場，嚟緊下周六（29日）喺澳門威尼斯人度假村酒店舉行大晒冷式記者會同音樂會，到時中港台韓各地藝人，包括曹格、周麗淇、陳貝兒、Soler、溫嵐同韓國組合F.CUZ等都會出席表演。來自台灣嘅楊伊湄會同陳貝兒一齊做司儀，仲有機會同瑤瑤同台演出㖭！
身材勁過瑤瑤
現年23歲、擁34G嘅台灣美少女楊伊湄，啱啱喺台灣大學畢業，主修國際企業系，佢不時化身電玩展索爆show girl，憑住甜美笑容同驕人身段，贏盡宅男愛戴。佢讀高中時仲係演講比賽嘅常勝軍，能操一口流利英語，加入娛樂圈最有興趣做主持人工作。
BMA藝人管理部助理總經理陳小姐噚日話楊伊湄樣靚外形好，又有學識，會訓練佢做全能藝人，至於楊伊湄身材勁過瑤瑤，怕唔怕自己人打自己人？陳小姐話：「身材係好易令大家將佢哋聯想埋一齊，瑤瑤喺香港同台灣已經攻佔咗啲少男心，但楊伊湄可能會有唔同嘅方向。」
楊伊湄
年齡：21歲
三圍：34G、26、35
身高：5呎4吋
體重：104磅
