金像獎舉行在即，第二輪投票已於三月底完成，據知內地老戲骨王學圻與第一屆金像影后惠英紅呼聲最高，極有機會勇奪帝后寶座！惠英紅亦信心十足，日前到珠寶店試定千萬行頭等攞獎！
「第二十九屆香港電影金像獎」將於四月十八日於尖沙咀文化中心舉行，第二輪投票經已完成，據可靠消息透露，「最佳男主角」以《十月圍城》的王學圻呼聲最高，而「最佳女主角」應是《心魔》惠英紅的囊中物！
金像獎的第二輪票選經已在上月廿九日截止，該評選制度乃由「第二輪五十人專業評審團」及金像獎十二個屬會會員，聯同香港作曲家及作詞家協會會員選出各獎項。今年「五十人專業評審團」名單中有鍾欣桐、楊采妮、田啟文、阮世生等，最近官司纏身的崔建邦乃演藝人協會代表，亦是評審之一。
日前惠英紅亦密鑼緊鼓，出動揀戰衣及首飾，先到IFC的Escada試晚裝，再到皇廷珠寶試千萬行頭，尤以1680萬紅寶石首飾，最得到惠英紅的歡心，但暫仍未作出最後決定，她表示：「依家仲未決定到，晚裝方面可能會揀綠色嗰套，因為隻色旺我，好多謝咁多朋友幫我，有咁勁嘅行頭令我信心大增。」惠英紅直言今年再奪影后，意義甚大，因此早於二月已經開始度期，希望抖足精神，以最佳姿態示人！
