影后惠英紅在圈中成就毋庸置疑，雖然事業得意，但感情生活仍一片空白，性格豁達的她卻希望一切隨緣！而正忙於新戲宣傳的小紅姐，更有幸在該戲穿上價值五十多萬、由博物館借出的文物，認真厲害。
小紅姐雖然感情未有着落，但勁忙的她絕不寂寞。
一直醉心電影事業的影后惠英紅，實力有目共睹，近年不時中、港兩邊走拍戲的她，將大部分時間都貢獻工作，難怪今年年初生日曾表示生日願望是招桃花的她，感情生活至今仍未有着落，但豁達的小紅姐卻希望一切隨緣：「依家嘅感情生活同以前都係一樣空白，但唔覺得係悲哀，因為都好忙，冇乜時間，有就嚟，冇就由佢啦！」
而正忙於宣傳內地新戲《愛未央》的小紅姐，拍攝時有幸穿上由博物館借出的戲服，她興奮地說：「最難忘係身上嘅衫由博物館借畀我哋，因為套戲係當地政府資助，聽工作人員講套戲服值五十幾萬人民幣，所以着住嗰陣都驚o架，驚整爛，埋位之前先會畀我着，拍嘅時候博物館啲人會係度睇實同埋幫手着，一拍完一個鏡頭就要除番出嚟，都幾麻煩。」
好友唐季禮特地飛到上海撐場，認真夠朋友。
小紅姐首次與內地製片人汪子琦（左二）等合作，誓必擦出新火花。
唐季禮上海撐場
由於該戲講述以少數民族為背景，故拍攝時都在昆明的少數民族山上取景，小紅姐說：「日日都要外景，車程都要兩至三個鐘，當時又好熱，所以都幾辛苦！」不過香港影迷就未知有否眼福，小紅姐說：「我都唔清楚會唔會喺香港上，內地都係11月先正式上映。」至於日前《愛未央》已在上海舉辦首映禮，小紅姐更獲好友唐季禮專誠現身撐場，她說：「因為套戲係喺唐生嘅戲院院線上映，所以特登飛去上海撐我場，好多謝佢。」
from:
http://orientaldaily.on.c ... /00282_099.html
