呂慧儀昨日以嘉賓身份到沙田出席內衣騷，不過她沒有行騷。有傳呂慧儀曾和陳志雲的助手叢培崑拍拖，對此她說：「我中學時代已經識佢，不過從來冇拍過拖，當年我中學時已有男朋友，私下冇聯絡，直至我入行後先再撞番佢，原來佢都入咗行，我都冇佢電話，完全唔熟，都唔明點解會咁傳。」
問到以往有否演出過叢培崑公司的活動？呂慧儀表示應該沒有，只是曾往觀看澳門小姐比賽。另外，呂慧儀坦言一直以來多數都是演出無綫活動，至於外出工作的酬勞，則一切由經理人去接洽，價錢都相當合理。
此外，傅穎（Theresa）昨日到黃金海岸出席白色情人節活動，有指鄧麗欣曾與陳志雲助手叢培崑拍拖，Theresa表示不知情。問到她接工作有否被壓價？她說：「總之工作錢銀嘅事係經理人去處理，我自己同陳生都係見面say hi，同錢國偉都係因為上佢節目而熟。」
from:
http://hk.apple.nextmedia ... art_id=13820562
