曹格昨日在柴灣拍攝音樂特輯《我的故事．我的歌》，請來側田擔任演出嘉賓，二人在發生毆鬥事件後已一再表明友情不變，曹格說：「唔會再向觀眾特別交代呢件事，側田係我最好嘅朋友，同以前一樣我哋冇乜變。除咗阿田之外，我仲請咗我爸爸做嘉賓，同去咗好多以前去過嘅地方，一啲好想忘記嘅事又再諗番起，搞到又有啲憂鬱。」
側田愛嫩口小妹
此外，最近傳出側田力追G.E.M.（鄧紫棋），側田否認說：「唔好拉我落水，我大佢14年，做得佢老竇，啱啱同佢合作拍咗個MV，我當佢小妹妹咁看待。」G.E.M.尚很年輕，問側田會否特別鍾情嫩口小妹妹？他坦言：「冇人唔鍾意嫩口，邊個會唔鍾意呀？」說罷側田卻自言自語說：「陷阱。」這時曹格卻輕鬆地接口唱了句歌：「偏我遇上。」緩和氣氛後，側田主動問：「邊個係我勁敵？」他得知傳陳柏宇也力追G.E.M.後，則自滿地說：「我贏硬。」
from:
http://hk.apple.nextmedia ... art_id=13800340
