真空JJ賈曉晨狙擊周秀娜[一週刊]

一度有o靚界女神之稱的賈曉晨（JJ），去年被一班o靚模夾擊，隨即變陣「封咪」迎戰，由女神變打女，且拜師習武，成為黃秋生師妹。
靜極思動，近日JJ再度出擊，真空炮製性感噴血月曆，狙擊o靚模獎門人周秀娜，收復失地

性感晒咪
即將推出寫真月曆的賈曉晨，早已在個人網誌上放了多款不同造型的性感照，「晒咪」戴假髮扮鬼妹，女人味十足的復古熟女，其中一張身穿墨綠色超短裙，露出大背脊更真空上陣，JJ擺出S形甫士，狀態回勇。
寫真月曆包括十二個造型，玩性感外，又會扮少女扮男人，為配合攝影師及化妝師檔期，拍攝當日，JJ不眠不休連踩二十多個鐘，極速完成。
「個月曆本來計劃喺一月推出，不過佢早排拍《打擂台》MV，整傷腰骨，睇咗個幾月跌打，搞到遲咗好耐先可以開工，咁啱幫佢影嗰輯相嘅攝影師又好忙，兩個人夾咗好耐先再夾到時間開工，JJ仲要敷住暖包做嘢，不過佢覺得辛苦都值得，因為好耐冇影過靚相。」賈曉晨身邊人透露。

拍月曆相期間，JJ不斷用手機自拍，精神奕奕的她絕對睇唔出連踩二十幾個鐘。


周秀娜犀利
對於被指狙擊周秀娜，JJ說：「我唔想同人比較，佢（周秀娜）齋賣性感，每次做嘢都會去到好盡，我就鍾意多面化，唔想俾人定性，所以我覺得佢好犀利，好佩服佢，做乜都可以去到咁盡；除非係拍戲，我先可以做到咁盡，點辛苦都冇問題。」
去年JJ轉移目標專注演戲，拍完電視劇，再接拍劉德華公司投資的電影《打擂台》，自小男仔頭鍾意郁手郁腳的賈曉晨索性拜師學武，跟黃秋生的師父學大聖劈掛，每星期上三日課。
「我一向都喜歡睇武打劇，特別係金庸嘅小說，仲成日幻想自己係俠女救人，所以做打女唔係因為要轉型，而係我本身真係鍾意，之前拍《打擂台》MV受傷，雖然真係痛到死，但我一啲陰影都冇，只要有打片，我會繼續打落去。」JJ斬釘截鐵地說。

月曆其中一個造型雖然反串扮男人，不過有番咁上下身材的JJ，著起西裝露腿依然有睇頭。
農曆年期間，JJ一個人去日本旅行，唔通幫佢影相嘅係她口中的日本籍男友？


拍MV受傷，本來好哋哋玩自拍的JJ，之後就痛到瞓喺地（下圖），由於要claim保險，她更將這幕受傷片段送埋去保險公司。
跟MC Jin（左）及黃又南（右）早前為電影《打擂台》宣傳，三人更拎起刀劍打功夫。


去年o靚模熱潮席捲全城，書展大解放，寫真、月曆成為兵家必爭之地，眾女為掏盡宅男荷包，無所不用其極。

去年十二月推出月曆《2010 Colou Revolution》，玩盡五顏六色，其噴血寫真《Kissy Chrissie》大玩滴奶、刷牙、人形攬枕，奇招成功突圍，躍升成o靚界女神。


08、09連續兩年推出寫真集谷旺人氣，更成功進軍日本o靚模界。近日Baby亦殺入影壇，實行於模界、影圈作雙線發展。
搏到盡爭出位的Lavina，憑34E火辣身材，去年十二月夥拍Rainbow齊拍半裸寫真，又抄橋推出攬枕、陪瞓4寶及男裝內褲等肖像用品，但因格調低，彈多於讚。