天王嫂樂基兒被老公黎明收歸旗下，至於另一天王嫂熊黛林（Lynn）昨日在太古城出席活動時，就堅決拒絕成為男友郭富城的旗下藝人，她說：「唔會，我唔會轉。」問到小美可有向她招手？她說：「唔識佢，都冇見過面。Kim（熊黛林經理人）好全心全力幫我，我哋相處得好好，工作上、生活上都好幫我，係經理人又好似我家姐咁，有啲嘢係錢買唔到嘅。」
前晚元宵佳節，Lynn自爆往打邊爐，她說：「好耐冇去過啦嘛！」是否跟城城一起？Lynn沒有否認，只說：「有男有女啦。」問她是否4年來都食同一火鍋湯底，她說：「唔一定o架，番茄湯底都好味o架。」再問到何時戀情地面化？她說：「唔使啦，只要自己知道就OK。」
from:
http://hk.apple.nextmedia ... art_id=13775861
