以往只愛穿熱褲短裙騷長腿的楊愛瑾（Miki），原來上圍禾稈冚珍珠，昨日出席活動時奇「峰」突出露深溝，力壓同樣穿低胸裝的傅穎（Theresa），成為全場焦點。Miki事後承認有做手腳靠「托」谷胸，更揚言後生有本錢唔怕露！
Miki、Theresa及o靚模李莉琳昨日爭妍鬥麗，出席海運大廈LCX 舉行的護膚品牌ZENSATION活動。Miki穿上DVF價值四千元的藍色tube dress谷胸示人，Theresa則以吊帶白色低胸連身短裙露波罅亮相，但仍不敵Miki「深溝」，被搶盡風頭。胸前黐滿膠紙的Theresa不時低頭查視有否走光，又突然轉身黐膠紙。
問Miki是否做了手腳時，她笑說：「本身有少少，都加咗少少，嚟之前有諗過係咪要扯高啲。不過助手、化妝師同髮型師都話趁後生好露，後生有本錢咪騷吓囉。」問到是否性感出擊想在虎年覓愛郎？她謂：「唔係，虎年要做多啲嘢。」
雖然風頭被搶，但Theresa亦十分大方讚Miki身材好，又自嘲是Cookies四女中最不豐滿一個。她又自爆新年到台灣學跳舞，即被記者追問有否找緋聞男友棒棒堂成員敖犬，她說：「真係冇，發誓冇講大話！（佢知唔知你去台灣？）知，我哋只係朋友，麥玲玲話我今年會搵到真命天子。」
另外，Theresa前晚出席春茗活動，透露有意轉型做跳舞歌手。邊唱邊跳難度甚高，問她怕不怕走音？Theresa表示：「唔理同唔諗，總之做好自己嘢。」
