廖啟智與邵美琪（Maggie）昨日拍攝劇集《沒有牆的世界》。飾演傷殘人士的智叔，為拍攝一場和囝囝打籃球戲份，他特別跟導師學習花式輪椅。他說：「學花式輪椅需要好大勇氣，因為要冒隨時仆落地嘅危險。」他拍攝另一幕食早餐的戲份時，要不停食麵包，他對此謂：「我試戲時只係借位，到正式時先真食，有時要食啲唔想食嘅嘢，都會搞到全日冇晒胃口。」
扮演智叔太太的Maggie，在劇中有一位十七歲大的囝囝，她稱不介意飾演媽媽角色：「唔會，好多人都係早婚早生仔，我扮四十幾歲嘅師奶，所以只係搽粉底。」Maggie又稱此劇主要向人灌輸傷殘人士亦可以能幹、細心，和健全人沒有分別。
