周麗淇（Niki）日前帶領公司一眾師弟妹野仔、梁奕倫、陳貝兒（Janice）、余翠芝及徐浩等人，一同炮製新年菜式「撈起」，取其意頭希望新一年大家撈到風山水起。Niki透露新年期間會到老闆羅傑承家中拜年兼發新年財，她說：「老闆年年都會叫晒我哋上去團拜，去到好多嘢食，老闆娘會整定啲鮑魚、好大粒嘅瑤柱畀我哋食，另外又有賭局，氣氛真係好熱鬧。」
梁奕倫表示老闆所派的利是十分重手，足夠用來做賭本，他笑說：「我見過有人唔夠錢就拆咗老闆封利是嚟做本，不過老闆手頭上拎住成叠1,000蚊，點夠佢嚟呀。」問到Niki會否希望虎年行桃花運，早日找到真命天子？她說：「呢啲嘢唔係話買棵桃花就有o架啦，隨緣啦，做呢行最緊要係觀眾緣。」
from:
http://hk.apple.nextmedia ... art_id=13737902
