張敬軒尾場個唱，密友關智斌（Kenny）壓軸捧場，由容祖兒和何韻詩傍住睇騷，兩對同性好友共冶一爐，頓令全場哄動。
一連四場張敬軒「軒動心弦演唱會」前晚圓滿結束，繼王菀之於情人節做嘉賓後，前晚輪到男性密友Kenny壓軸登場，準時於開騷前偕祖兒、阿詩、蔣雅文(Mandy）從後台步上觀眾席，被安排坐VIP靚位睇騷，令附近觀眾為之起哄，而前晚的特別嘉賓是孫耀威。
Deep玩得過火軒仔和Kenny雖然曾被本報影到同居，但前晚兩人表現大方，軒仔搞鬼說：「今晚祖兒嚟咗，隔籬咪阿詩，咦！呢個咪關智斌。」全場觀眾嘩聲四起，反應熱爆。之後軒仔介紹嘉賓吳浩康（Deep）出場時，有觀眾大叫：「Kenny」，看來十分接受兩人密友關係。
而Deep亦加入陣營玩軒仔，並取笑他：「你今晚唱得最好，我知點解，因為祖兒嚟咗，仲有關智斌都喺度，更加唔衰得，如果莊思敏喺度，我都會勁啲。」無力招架的軒仔只能說：「好朋友嚟，我兜得幾辛苦。」Deep自知玩得過火，認錯說：「一日最衰都係我。」
風騷出席慶功尾聲時，軒仔請Kenny、祖兒、阿詩和Mandy上台唱賀年歌逗利是，軒仔大方拉Kenny上台，兩人搭膊頭唱歌，軒仔真情流露說：「多謝一直支持我、扶持我嘅好朋友，多謝你哋四個。」完騷後軒仔風騷出席慶功宴，問Kenny捧場是否特別開心？軒仔說：「唔刻意，朋友捧場梗開心。（Deep話你唱得特別好？）佢搞gag啫。」而Deep完成嘉賓重任後說：「好開心，但有啲失落，每個歌手都夢想喺紅館唱歌，今次自己搵番上台自信。」
