莫文蔚（Karen）日前被拍得「蜜」翹北京音樂才子張亞東，昨日她接受本報訪問首度作出回應，承認跟張亞東有「密切關係」，但對被指是介入張亞東和女友瞿穎之間的第三者則表現激動：「呢個字眼唔好亂講！」
Karen自07年與馮德倫甩拖後，早前曾跟一名老外傳緋聞，但戀情最終還是不了了之，至日前被拍得在北京跟王菲音樂戰友兼好友張亞東秘密約會，二人的親暱舉動儼如熱戀中情侶，Karen更被拍得手翹男方離開，不過由於張亞東跟內地女星瞿穎拍拖多年，這段三角關係可謂糾纏不清。
仰慕才華昨日Karen接受本報專訪時首度為「蔚東戀」作出回應，對於跟張亞東在北京「蜜」翹，她哈哈笑說：「吓，梗係唔係啦，嗰晚我助手都喺度o架，係密會就唔會叫埋我助手啦，我同佢（張亞東）喺音樂上有好多接觸，佢仲係我音樂監製，所以有好多密切嘅關係！」雖然Karen否認跟男方密會，但言語間卻流露傾慕之意，她說：「我好欣賞佢，佢真係好勁！（你翹住對方？）冇，黑麻麻，點睇到翹住呀！」
