因為與城城的「富黛戀」，令來自貴州的熊黛林（Lynn），自06年起多了「天王嫂」的稱號。4年來，「天王嫂」不時面對暗湧，為了「守城」擊退Mango（王秀琳），絕不能有半點鬆懈。
「守城」不簡單，不過Lynn每提到傳聞中的另一半，臉上總會泛起甜蜜的笑容，她接受本刊獨家專訪時，雖然口中只是吐出含蓄的一句：「我哋一直保持友好關係。」但面上的笑容則並非例行「交戲」，而是由心而發。
Lynn於專訪中更首度公開獨門箍男友秘技，當中包括潤澤honey的愛心催情湯水，還有體貼的妙手按摩，好讓摯愛疲勞一掃光。有機會受惠的城城，認真幸福。
來港未夠4年，除「天王嫂」銜頭外，Lynn也為自己的事業闖出一片天。
自爆「獨辣」功雖然Lynn已成為「國產十優名模」之一，但每次見到她，總難免令人聯想到郭富城。談到愛情，Lynn聲稱：「可能我個樣比較寸啦，都冇人夠膽埋身嘅。」天王城城在身邊，任何有意者也要保持適當距離。
「不過，我拍拖嘅時候都好獨立嘅，我唔係任性嘅人，仲會好體貼男朋友。其實我拍拖唔係好似人哋諗得咁複雜，一啲好簡單嘅事，我都會覺得好浪漫㗎嘞。好似喺屋企煮吓飯，開開心心咁食一餐，我就已經好滿足。我煮餸唔係叻，但係一般小菜都難我唔倒，我學咗媽咪嘅家傳川菜，回鍋肉、川椒雞都好味，只係我煮唔出媽咪嘅味道啫。」
無獨有偶，城城以嗜辣著稱，Lynn的拿手小菜，自然大派用場。
上月尾，Lynn喜孜孜的戴上刻有「AK」（城城英文名Aaron Kwok，小圖）的頸鏈出席公開活動。
滋陰益腎湯有說要箍緊男人心，先要俘虜他的胃。深明此道的Lynn，有「獨辣」小菜傍身外，滋陰湯水是她另一殺着，「喺香港，如果唔係好忙，我會煲啲湯水潤吓，我最鍾意煲花生眉豆雞腳湯，可以以形補形之外，雞腳有骨膠原，多飲啲皮膚都靚啲。」
而據中醫的解說，花生雞腳湯還有增強體力、健脾益腎的效用，加核桃仁的話，又有壯陽之效。Lynn這款愛心湯水，一湯多用，「箍城」一流。
除「食功」之外，情侶間的驚喜情趣着實不可或缺，Lynn就自爆收過城城所贈的內衣，即使互送內衣，她也不介意，「我唔介意幫男友買內衣呢啲貼身用品，之前都收過男朋友送嘅內衣做生日禮物。咁貼身嘅物件，只可以收男朋友送㗎咋，如果收咗唔係男朋友送嘅內衣，男朋友會嬲㗎。」
據中醫所說，花生眉豆雞腳湯既有益腎功能，又可增強體力，城城與Lynn以娛樂大眾為事業，梗要進補得宜。
愛男友孝順身為男友的，收到女友所贈的貼身禮物，心甜自是不在話下，不過有時有形的實物，也不及驚喜短訊的甜蜜威力。上月剛過去的新年，Lynn就收過城城的賀年短訊，「講吓新年快樂咁囉。不過我都好享受同男朋友傾電話嘅時候，因為我拍拖係唔需要時時都見住嘅，而傾電話係一個好好嘅溝通方法，傾極都有話題係好冧㗎。」一通濃情電話粥，已比珍饈百味更令人回味，Lynn大概表達了箇中精髓。
「做得我男朋友，要係nice嘅，最緊要係孝順，因為我都會好孝順佢嘅爹哋媽咪㗎；仲有，要好似我咁錫Cookie（Lynn的愛犬）先得。」
城城侍母至孝，而Lynn又不止一次帶Cookie到「城堡」相聚，二人的行動，已交代了一切親密關係。
拒絕公主病一段親密關係中，溝通和情趣當然重要，但二人的磨合和協調也不可輕視，正在拍攝電影《我的野蠻女友2》的Lynn，就堅稱自己並非「野蠻女友」，「港女嗰啲『公主病』，一定唔會喺我身上出現，我好獨立嘅，係有時掛住男朋友嘅話，先要求佢陪我啫。啲諗到咩就做咩嘅任性行為，我唔接受㗎！
「我會憧憬有時男朋友喺我攰嘅時候，會為我按摩，因為我見到佢攰嘅話都會咁做，愛情係雙方面嘅付出，大家都唔付出嘅話，點會有收穫呢？」
情人節將至，當天又適逢大年初一，Lynn今年選擇了回家鄉南京過節，她說：「年年返去都有親戚問我幾時結婚，佢哋怕我太遲婚，但係我仲未夠成熟去擔起家庭責任，遲啲先再算啦！」
在電影《我的野蠻女友2》中，Lynn（左二）與台灣演員馮媛甄（右二）分別飾演「野蠻女友」，但Lynn謂「野蠻」只是電影情節，她絕不任性。
