鄧紫棋G.E.M.派5位數利是肉赤

人氣偶像鄧紫棋（G.E.M.）入行兩年，早前在樂壇頒獎禮上獲得好成績，其唱片公司將封一封大利是給她過肥年，而只得十八歲的她亦準備五位數字在農曆新年大派利是，直言感到相當「肉赤」：「雖然真係幾肉赤，但呢啲意頭嘢一定要做，同埋咁細個派利是，又未結婚，呢個感覺都幾得意。」

日前G.E.M.提早「洗邋遢」，在經理人公司打掃一番，問她會否幫手做家務，她說：「其實都好少，我同妹妹都好依賴阿媽，加上入行之後真係好多嘢做，成日三更半夜先返屋企，冇理由無喇喇開桶水出嚟拖地o架，如果係我阿媽仲驚！」