周永恒（Roy）和趙梓淇（前名趙頌茹，阿Yu）結婚13日，昨日興奮宣布有喜，懷孕兩個月的阿Yu在老公陪伴下照超聲波，首次看到「BB」的準媽媽high爆說：「好似粒花生仔！」
信奉基督後因犯十誡於去年11月禁慾贖罪的Roy和阿Yu，為了可以合法行夫妻之禮，兩人於上月28日結成夫婦，未料婚後短短個多星期即宣布造人成功！
「好似粒花生仔」昨日黃昏五時許，記者發現周氏夫婦到尖沙咀睇婦科，穿上鬆身衫的阿Yu雖然未見肚，已換上平底鞋並由老公拖實，兩人在診所內揀了角落位坐下等候，狀甚疲倦的阿Yu挨實老公，Roy不時體貼地遞暖水給老婆，兩人睇完醫生後即臉帶笑容，一面幸福離去。
事後本報記者致電Roy，他開心地說：「恭喜我啦，老婆有咗呀！（幾耐呀？）兩個月啦，應該係婚前停止性行為之前有嘅。」阿Yu則說：「頭先照超聲波，好開心，好似花生仔，好細粒。」二人豈非奉子成婚？Roy說：「結婚前真係唔知，我覺得係神嘅安排，係神要我哋快啲結婚，如果知道有BB先結婚，成件事冇咁純潔，依家感覺仲勁過結婚好多。（唔怕BB小器？）我哋信耶穌嘛，上帝會托住BB。」
有咗變蠢同漏口飽受懷孕之苦的阿Yu大喊辛苦，成日作嘔及反胃：「上星期仲好暈、好虛弱。（Roy話上年11月底前冇搞嘢？）佢興奮得滯記錯，應該係12月初啦。（心情點？）終於明白阿媽幾偉大！」由於阿Yu在Amusic任職形象統籌，但她不會辭職專心養胎，可能會轉做freelance。
Roy還笑老婆懷孕後變躁底，阿Yu笑言不想，亦不知何解會好忟憎。Roy說：「佢有咗之後變蠢咗，可能資源分配去BB度，講嘢都漏口，諗嘢又失神，人好似唔夠血。（好擔心？）開頭都係，但阿媽見到佢作嘔就陰陰嘴笑，我就知冇事，依家仔細老婆嫩，更加要畀心機搵錢。」兩人的婚宴定於4月2日舉行，以自助餐形式宴請親友慶祝雙喜臨門。
