趙頌茹阿Yu獲教友力追

1^# 大中小 young 發表於 2015-2-17 12:54 發短消息

相關主題: 趙頌茹

趙頌茹（阿Yu）狠撇老公周永恆（Roy），𠵱家自己獨力照顧兩個年幼囡囡，佢嘅遭遇得到好多人同情，噚日有報導話阿Yu最近被一名男教友力追，呢位教友係專業人士，年約三十歲，比現年三十二歲嘅阿Yu細兩年，由於Roy又係細過阿Yu，令阿Yu對再發展姊弟戀有猶豫云云。

據悉周媽媽為免周永恆喺緩刑期內再度犯錯，已安排咗佢返內地住。

資料圖片
凡事以女為重

噚日馮仁超問阿Yu係咪有人追？佢只係透過短訊回覆：「哈哈哈！諗多咗喇，好多人都對我好好，但只係主內弟兄姊妹嘅關心，唔好咁敏感喇。」佢話𠵱家感情空白，凡事都以兩個囡囡為重，如果將來搵伴侶，最緊要對方對兩個女好，仲要識得尊重、關懷同愛佢㖭。

至於阿Roy上個月被控普通襲擊罪名成立，判監兩個月，但獲緩刑十八個月，有報導話周媽媽為免兒子再度犯錯隨時坐監，已安排咗阿Roy返內地去親戚度住，希望佢生生性性重新做人。

撰文：馮仁昭

馮仁昭
from:http://hk.apple.nextmedia ... 150211/19036941

廷伸閱讀/相關主題推介:

相關主題:趙頌茹

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2015-2-17 13:01 發短消息

阿Yu「返教會唔搵男人」

趙頌茹（阿Yu圖）、黎美言（Winkie）、焦媛同天堂鳥，噚日到荃灣宣揚職安訊息，佢哋戴晒安全帽上台獻唱。之前傳出阿Yu有教友新情人，問阿Yu情人節會唔會約教友？佢無奈苦笑話：「好無辜，我都唔知邊個，同埋點解咁傳，我返教會唔係搵男人，係搵耶穌，希望件事唔會影響教會嘅弟兄姊妹，我亦要習慣回復單身後會有緋聞。」

撰文：馮仁昭

馮仁昭
from:http://hk.apple.nextmedia ... 150212/19038301

TOP

3^# 大中小 young 發表於 2015-3-7 00:14 發短消息

阿Yu掃鞋兼嘆啡

阿Yu日前現身時代廣場一間鞋店，選購高踭鞋。

【時代廣場】狠撇老公周永恒嘅趙頌茹（阿Yu），𠵱家好積極賺錢照顧兩個囡囡，聽講仲有唔少品牌贊助佢，變相令阿Yu慳唔少。

日前見到阿Yu同埋經理人現身銅鑼灣時代廣場一間鞋店，見到阿Yu喺舖頭裏面，先試咗好幾對高踭鞋，揀啱自己嗰啲之後，佢又轉攻童裝鞋，睇到佢揀咗一輪，又幫囡囡每一人揀咗一對，其間仲見到有個男人走去同阿Yu傾偈，睇嚟似係啲客戶知道阿Yu嚟，所以專登搵佢傾吓偈，冇耐阿Yu揀到自己嘅心水之後，佢哋幾個人行咗上去樓上啲咖啡店飲番杯咖啡，睇見阿Yu𠵱家咁積極做嘢，真係安心晒！

採訪、攝影：畢紹基、徐錦池
from:http://hk.apple.nextmedia ... 150305/19063538

TOP

4^# 大中小 young 發表於 2015-3-13 17:36 發短消息

阿Yu考牌挑戰方向感

阿Yu表示囡囡會否跟周永恒見面，要等社署安排。

趙頌茹（Yu）昨日在灣仔出席汽車品牌活動，為了方便跟兩名愛女外出耍樂，阿Yu表示有意報考車牌：「不過我方向感好差，口講一個方向，但手會指去另一個方向。」希望能於今年內考得車牌的阿Yu，笑言為了慳錢會逼自己盡量一次過及格。

阿Yu透露早前跟泥鯭合作拍片，片中她因為泥鯭做錯事而狠飛對方，記者笑指劇情跟現實中的她相近，她說：「有經歷係幫助到做戲，但唔使咁多。」剛過去的農曆新年，前夫周永恒可有探望她及兩女？她說：「我同佢唔會再見，囡囡就要等社署安排。」

採訪、攝影：譚倩宜
from:http://hk.apple.nextmedia ... 150313/19073996

TOP

5^# 大中小 young 發表於 2015-3-28 22:10 發短消息

趙頌茹放聲氣搵戲拍

趙頌茹（Yu）噚日喺大埔出席「I Love Egg復活之旅」活動，名模Alice B.因遲到俾大會取消工作，佢事後同大會道歉，仲解釋話係塞車。阿Yu話諗住復活節帶兩個女去郊外野餐，因為囡囡鍾意大自然，仲可以做親子教育。佢最近仲幫港台拍劇，佢話好想拍多啲戲，因為大女成日問會唔會喺電視見到媽咪，希望畀個女睇到自己做戲。

撰文：馮仁昭

馮仁昭
from:http://hk.apple.nextmedia ... 150325/19088523

TOP

6^# 大中小 young 發表於 2015-3-28 22:31 發短消息

阿Yu叫捉賊被嫌嘈

阿Yu深夜拍追賊戲，結果驚動附近街坊。

現年32歲的趙頌茹（阿Yu），自從跟丈夫周永恒各行各路之後，已經積極接工作，想賺多個錢養家照顧好兩位寶貝女。工作不少的阿Yu前晚又為一套港台劇開工，同場合作的還有藝人李雨陽。

前晚大概十時左右，兩人穿上警察制服到達上環必列者士街開工，穿上軍裝的二人頗為英氣。拍了幾個鏡頭後，他們移師到四方街再拍，因為要拍二人追疑犯的劇情，他們在四方街來回跑了四、五次，還要邊跑邊大叫「咪走呀！」由於附近一帶都是民居而且已經夜深，其間有樓上住客大叫：「唔好嘈呀！」他們惟有速拍完後離開。

採訪、攝影：李志明、潘冠恩
from:http://hk.apple.nextmedia ... 150327/19091267

TOP

7^# 大中小 young 發表於 2015-4-26 23:12 發短消息

阿Yu拍復出作謝晒

阿Yu昨日與RubberBand宣傳微電影，她再次表示與Roy沒聯絡。

趙頌茹（阿Yu）和樂隊RubberBand昨日到旺角，出席港台微電影《一千零一廣播夢》街頭首映會，阿Yu說：「呢部微電影算係自己復出之作，好似韓劇《天國的階梯》女主角，自己成日都要喊，拍鬧交戲拍到謝晒，好似跑完長跑咁。」

阿Yu謂由泥鯭扮演的男友很無賴，問是否似分居丈夫周永恒（Roy）？她避答：「過咗去唔講。」拍攝時有否諗起Roy？她說：「人要有經歷先諗起甜酸苦辣。」並搖頭表示兩人已沒聯絡。至於新手爸爸RubberBand成員阿偉謂女兒已四個多月大，自己有幫手湊女又攰又眼瞓，求婚成功的阿正透露跟女友商量大日子，未知會否在香港搞婚禮。

採訪、攝影：黃曉妍
from:http://hk.apple.nextmedia ... 150420/19118300

TOP