譚詠麟點名力讚新人王宗堯（Greg）全力進軍影壇！即使與一眾「咪神」合作，Greg亦不怕傳緋聞，誓做「緋聞絕緣體」。
影壇新人Greg被「譚校長」阿倫盛讚是型男金城武及黃曉明的混合體，他未感壓力謂：「唔覺壓力大，只係覺得校長好搞笑、專業同認真，只要佢睇到我用心做嘢就得。而且佢會提點我，仲會做埋畀我睇。」
鍾情怪女生Greg有幸在多套電影中演出，在新片《美麗密令》中更與高海寧及梁政珏等「咪神」交鋒，不過他埋首工作，對緋聞大無畏：「喺片場度大家會一齊玩，但平時唔會約出嚟，我好清楚自己係做緊嘢。」對「咪神」無興趣的他反而欣賞對手楊千嬅：「喺《財神到》同千嬅合作，佢個人好爽，平時唔出聲，但一出聲就一矢中的，而且佢畀人個感覺好開心。」
