楊千嬅榮升丁太後，竟豁出去與余文樂大演三級片！各位fans不要擔心，兩人絕非拍攝大膽情慾戲，而是彭浩翔新戲《志明與春嬌》，因為戲中有吸煙及粗口對白，故被電檢處列為三級片上映，平日少講粗口的千嬅以為拍戲會講得不自然，豈料一埋位就流利得難以置信。
新戲《志明與春嬌》將於下月25日上映，日前楊千嬅和余文樂到赤柱某圖書館前拍海報，對於新戲因有吸煙鏡頭及粗口對白已被列為三級，千嬅說：「我個人覺得呢部係寫實香港文化，可唔可以叫公司剪兩個版本上？咁18歲以下觀眾睇，唔係三級版有家長指引，應該冇乜嘢問題。」
阿樂個樣夠寸
千嬅在戲中獻出不少第一次，其中有不少對白粗俗，千嬅笑謂：「我平日好少講粗口，喺戲入面都可以話冇，但有對白就粗俗咗少少，我以為拍戲講呢啲嘢，會唔係咁自然，點知一埋位，我都不知講得幾流利，可能因為阿樂個樣夠寸，所以粗魯啲都冇所謂。」
阿樂得知新戲是三級時同樣也嚇了一跳，他說：「又唔係好爛口，我同張達明喺部戲入面係有啲助語詞，只係地道香港文化，三級上好可惜囉。我睇西片都成日忽忽聲，我個人認為冇乜所謂。」
彭浩翔正跟寰亞電影商量會否以三級版上映，他坦言希望電影可原汁原味，因此電影公司安排一場給18歲以上的觀眾看，再調查決定是否用三級版上映。
千嬅和阿樂無端端拍三級片，彭浩翔笑言怕外界有誤會，因為現時千嬅已是丁太。拍海報期間有不少小朋友經過，反而是千嬅扭着要和他們合照，有堪輿學家批千嬅退休後會全心全力生BB，她笑言：「結婚都冇人批中，何況係生兒育女？大家好難知，我會順其自然，冇特別計劃，生仔呢家嘢真係恨都恨唔到！」
from:
http://hk.apple.nextmedia ... art_id=13694746
