曾被本報拍到和台灣音樂才子陶喆啜爆的美少女廚神岑潔儀（Zoey），昨日和任達華在中環出席美容活動。Zoey笑稱近日因壓力搞到皮膚變差，壓力是否來自陶喆被拍到在上海劈酒兼媾女有關？Zoey說：「我睇呢件事覺得唔出奇，佢係一個好有風度嘅男士，拖住女仔落樓梯好正常，呢件事對我都OK。」
問到有否為這事不開心時，Zoey笑笑口說：「冇，見到又有兩個靚女陪佢，戥佢開心呀，不過我覺得有啲搞笑，原來台灣都有《博愛歡樂傳萬家》呢個慈善活動，我冇寸佢博愛，但原來陶先生都係慈善家。」Zoey是否呷醋而寸陶喆？她說：「我話佢係大慈善家，因佢對個個女仔都咁好！」
from:
http://hk.apple.nextmedia ... art_id=13678573
