岑潔儀誕7磅仔餵人奶博收身

【昨晨誕兒】

岑潔儀昨日凌晨誕下囝囝Damian，更表示產子一刻感動得流眼淚。

岑潔儀（Zoey）3年前嫁給馬來西亞富商Dixon，一直過著少奶奶的生活，不過她並未有全身而退，為興趣繼續接拍港視劇。上星期吹起港女風，Zoey在微博留言指買不起衣服是自己的問題，鼓勵港女讓自己變得值錢，名牌論一出即惹來網民狂轟。不過，積極正面的Zoey隨即收拾心情準備生仔，前晚在老公Dixon的陪同下，手挽手到港安醫院準備剖腹生B。

岑潔儀在昨日凌晨時分開刀產子，誕下7磅麟兒，母子平安，昨午Zoey接受本報記者電話訪問時精神奕奕，她說：「好順利呀！我開刀，係半身麻醉，基本上成件事發生我都係知道，咁所以係好難忘，一出嚟喊第一嚇，真係感動到流眼淚。」Zoey表示會選擇餵人奶，除了為BB好，還可以快速收身，她說：「生完餵人奶，想佢健康啲，生完之後已經餵咗3次，一步一步嚟。」

【前晚入院】

Zoey前晚在老公Dixon陪同下，到港安醫院剖腹生B。

攝影：沈健程

Zoey跟老公Dixon一家三口，十分溫馨。

富貴老公剪臍帶

提到富貴老公Dixon，Zoey甜到漏說：「先生喺隔籬好興奮，因為佢一直陪住我喺產房，拖住我同我一齊緊張，佢仲有剪呢個臍帶，所以佢都好期待。」Dixon之前自爆準備了一份神秘禮物獎勵Zoey，她說：「冇呀！最緊要大家身體健康，物質上嘅嘢其實都唔需要，健康幸福就心滿意足。」Zoey透露兒子已經揀了英文名，中文名則由老爺奶奶改，她說：「我哋揀咗幾個英文名同BB講，一講到Damian佢就踢得好犀利，所以我哋用呢個名，係佢自己揀！」

Zoey表示生仔後，仍堅持要做靚媽，她說：「生之後我會乖乖哋坐月。不過，生之前都仲好貪靚，要敷mask，按嚇身，洗埋個頭，我先入醫院，都係要保持靚狀態。」

採訪：楊潔雯
from:http://hk.apple.nextmedia.com/entertainment/art/20150115/19002773

上個月生咗BB嘅岑潔儀，喺ig貼餵人奶相片，認真溫馨！互聯網圖片

近排社會好多人士都提倡餵母乳，雖然有好多地方嘅配套唔係咁充足，但係都好多新任媽媽都好支持呢個做法。好似喺上個月中生咗BB嘅岑潔儀（Zoe），噚日喺ig貼咗一張餵緊人奶嘅相，睇落真係好溫馨，馮仁昭即刻打俾Zoe，佢話：「其實外國好多媽咪都會po呢啲相，呢張相又唔性感，反而係一張好sweet嘅相，所以我都好希望可以提倡，母乳真係最有益同無價。」佢仲話基本上全部朋友都係餵人奶：「我哋都係互相感染，佢哋仲過咗好多招數俾我，我都有叫啲就嚟生嘅朋友，叫佢哋餵母乳，對自己同BB都好！」雖然爹哋享受唔到餵奶嘅樂趣，不過Zoe話佢都好支持。

Zoe話遲啲會為囝囝陳譽昇擺百日宴。

飲魚湯谷奶

不過啱啱餵嗰陣，Zoe話真係好辛苦：「開頭未上奶，跟住佢一喊我又要餵奶，餵完又要揼，真係冇乜時間休息，不過我覺得幾辛苦都係值得，餵母乳係最有營養價值，而且令母子關係親密啲，係好sweet嘅一件事，係一個好好增進感情嘅方法。」Zoe話希望可以堅持餵到六個月，睇吓佢嘅成長速度再決定，𠵱家每一日都狂飲魚湯同食豬手。至於囝囝中文名，佢就話：「老爺奶奶幫佢改咗叫陳譽昇，我哋諗住會擺百日宴。」

撰文：馮仁昭

馮仁昭
from:http://hk.apple.nextmedia ... 150203/19026630

岑潔儀（Zoey）今年1月誕下兒子Damien，第一年以母親身份過母親節，日前她接受本報專訪時說到給兒子的一番話，她差點兒感觸落淚，她說：「以前都係同媽咪慶祝，今年有自己小朋友同我一齊慶祝覺得好特別。」Zoey望着兒子Damien說：「你最緊要健健康康，開開心心，爹哋媽咪盡量照顧愛錫你，最緊要你健康冇病冇痛，我覺得已經好足夠。」

Zoey自Damien出世開始餵哺母乳，就算有菲傭都親力親為，她說：「我成個人生都改變咗，以前從來冇諗過，𠵱家生小朋友真係覺得好大責任，同埋係一件好開心好sweet嘅事，佢帶畀我好多歡樂同幸福嘅感覺。」

採訪：非非
攝影：周樂恒
from:http://hk.apple.nextmedia ... 150510/19141922