25歲的周永恒（Roy）將於明日迎娶將滿27歲的趙頌茹（Yu），婚前三日兩人仍要開工，貫徹80後的拚搏精神，阿Yu先陪Janice Man試衫，再為男友選孖煙囱，為兩人的「洞房夜」做足準備，至情至性。
由於是基督徒，前歌手阿Roy和阿Yu緊守婚前不可有性行為的戒條，拍拖七年，決定成家步入人生另一階段，擇定明日註冊，復活節擺酒；阿Roy現職音樂創作工作，阿Yu則在黎明的Amusic擔任形象統籌，為Janice Man（JM）、衞蘭、李治廷設計形象。
揀孖煙囱
睇Bra擰歪面
前日，記者在置地廣場的Valentino發現阿Yu和JM蹤影，阿Yu陪JM入試衫室，兩人在店內待了大半小時才離開；之後阿Yu獨個兒去了加連威老道掃護膚品，急救嘴角的爆瘡，然後去美麗華商場買咖啡，坐下邊飲邊打電話。
買新郎哥西裝15分鐘後阿Roy匆匆趕至，二人一杯咖啡兩份飲，表現甜蜜，更把握時間十指緊扣shopping，先入CalvinKlein揀內衣，阿Yu挑選胸圍時，阿Roy竟表現尷尬冇畀意見，轉頭阿Yu大方為他揀孖煙囱，最後阿Roy買了條孖煙囱迎接洞房花燭夜，阿Yu反而冇收穫。
之後兩人去Uniqlo睇西裝，身為形象統籌的阿Yu，火速為阿Roy揀了件黑色西裝襯粉紅間條領帶，還幫他攞埋戰利品，十分體貼。之後，阿Yu因趕開工打的離去，慳家的阿Roy就等巴士，沿途見有人募捐亦慷慨解囊，既慳家又有愛心，難怪阿Yu肯嫁給他了。
婚前不忘開工事後記者致電阿Yu，她表示婚前兩人仍要忙工作，她幫JM試衫，阿Roy就要開會：「今日至抽到半個鐘陪佢買西裝同領呔喺註冊嗰日着，我會着一條白色裙行禮。」文：音樂組
