鄺敏慧（中巴）早前被拍得與「嫩滑版崔建邦」SamSha肩並肩同遊旺角，Sam極速撇低中巴。前晚Sam與男模Howard相約o靚模「嫩版JJ」Bambi（梁筠兒）及Liz（李莉琳）到天后食甜品。四人非常慳家，只點了兩個甜品一齊食，最後由Sam埋單。期間Sam和Bambi特別投契，不時咬耳仔，漠視兩位友人。
當他們發現記者沒有驚訝，反而大方任影。早前撇低中巴被指欠風度的Sam說：「上次走係冇面對過傳媒，怕人話我借中巴宣傳，怕影響佢。」他稱與中巴相識半年，但就沒有意思追對方。問到中巴有否向他呻被打？他說：「做朋友冇講呢啲。（崔建邦為人點樣？）人哋嘢唔知，唔方便評論，但自己唔會打女人，女人係用嚟錫。」
