鍾嘉欣與唐詩詠昨日出席劇集《老友狗狗》宣傳活動。嘉欣對於前晚在《勁歌》總選奪得「傑出表現獎」非常高興：「證明今年表現有進步，記得第一年唱歌好緊張，今年已經改善好多，會繼續努力。頒獎禮後，我同其他歌手會一齊請唱片公司啲同事食飯。」
提到緋聞男友林峯奪得「亞太男歌星」，嘉欣表示戥對方高興：「佢喺內地真係好受歡迎。（會唔會冇陳奕迅，佢先攞獎？）哈，唔識答。（有網友質疑林峯攞獎喎！）我會繼續支持林峯，佢做咗歌手三年，真係上得好快，每次唱歌好穩定。（覺唔覺《勁歌》好冷清？）唔覺，尋晚有三個表演嘉賓好豐富。」
