周麗淇（Niki）昨天與歐陽震華和「萬寧妹妹」王允祈於尖沙嘴出席宣傳活動，王允祈十分活躍，與二人玩得很開心，她與Niki擊掌又嘟嘴互錫。王允祈受訪時更稱Niki靚女，十分喜歡她。
Niki也希望生如此精靈小孩，她說：「真係好得意，佢一見到我仲話有少少鍾意我。佢真係好可愛，好似有過度活躍症，如果生BB都想生個咁得意。」問到會否有仔趁嫩生，她說：「冇得急，如果要生就生兩個，等小朋友有伴。」
另外，歐陽震華（Bobby）表示與太太仍享受二人世界，未有生育計劃：「見人哋嘅細路得意咪玩吓，自己就唔計劃生住喇。生細路係有一生一世嘅責任，要做好榜樣栽培佢，但我唔係好榜樣，又鍾意玩、食。」問到是否仍然有心有力，他哈哈笑：「梗係有能力，仍然有心有力o架！」
