徐子珊、郭晉安及吳卓羲昨日於將軍澳電視廣播城為無綫新劇《團圓》試造型。去年以扭籮扭腰載歌載舞進攻樂壇的徐子珊，近日被指成功吸引富豪殼王陳國強，有消息更指兩人上周於IFC國金軒內共晉晚餐，子珊更忽然富貴進駐月租三萬元的貝沙灣豪宅，其父更買名車。
子珊昨日甫到場已有所準備，她說：「我睇完都唔識嬲，成件事完全編製出嚟，根本就冇根據唔係事實，又冇相。」子珊又否認與殼王陳國強認識，她說：「我根本就唔識佢，從來都唔識，係無中生有，真係得啖笑！」
至於入行以來可有被富商追求過時，子珊說：「子珊向來都唔係咁嘅人，我向來俾人欣賞係自食其力！其實呢件事我都會嬲，因為女仔嘅名聲係好重要，唔可以誣衊我，對我好唔公平，抹煞我一年嚟喺工作上嘅努力。」至於被指為前任男友的游乃海，子珊表示男方本身已有女朋友，不想因個人的事影響別人。
對於被包養傳聞，子珊認為最不開心是影響到家人，她說：「佢哋仲騷擾我屋企人，嚇親佢哋，總之有乜嘢問題就問我喇！屋企人都有問我呢件事，因為佢哋擔心我！」對於被指忽然富貴進駐貝沙灣豪宅，子珊說：「之前住海怡半島係租嘅，家貝沙灣都係租o架，總之係我自己努力工作，我呢套劇未拍完，嚟緊又要拍古裝劇，我覺得好唔抵，自問咁勤力做嘢。」
此外，郭晉安表示農曆新年將有機會全家出席活動，他更笑指仔仔的酬勞比自己更高。
