o靚模周凱盈（Monique）早前承認藏毒，前日被東區裁判法院判接受感化12個月，判刑後她接受有線訪問，其中提到當日被帶返警署，被警察盤問時十分驚慌，更形容「差館好恐怖」。
一「索」成名的17歲o靚模周凱盈，前日判刑後到銅鑼灣一家樓上咖啡店舉行記者會，在朗讀短短兩分鐘致歉辭期間，儼如酒井法子上身，又鞠躬又沙冧，其後又接受有線訪問，詳細交代索K前後的心態轉變。
聲稱第一次沾毒即被捕的Monique，強調毒品是朋友給她：「其實係朋友，佢哋不斷同我講試吓啦試吓啦，咁我就試咗。」並指因剛轉校而不清楚朋友吸毒多久，警方也沒逮捕他們。提到在警局的情形，她說：「我未試過去差館，俾我感覺係好恐怖，佢（警察）會問你好多唔同嘅問題，警察嘅語氣，因為你犯咗事，都會有啲惡，嗰刻完全唔識答，好驚。」主持人問Monique事件發生後心態可有轉變，Monique說：「呢件事後，覺得知識比外貌重要。我會諗如果唔入呢行，搵份普通文書工作，人哋起碼要中五會考五科及格，但我中五會考都未到，又可以做啲乜？」
鞠躬被指公關手段
Monique吸毒除為她留案底外，心靈也受創，她在訪問中坦言：「我有時行出街，都唔係好敢好正常咁望人，因為我覺得佢哋認得我，曾經試過聽人講『呢個咪上報紙嗰個囉』，嗰刻好難受。」
此外，胡心諾（Rainbow）前晚談到舊校友Monique被判感化12個月，她說：「法官都冇趕盡殺絕，我有叫過佢唔好再掂毒品同遠離損友。」可覺得判刑太輕會令年輕人以為吸毒是小事？她說：「其實佢俾損友影響啫。」
另外，林海峯和阮子健昨日在商台節目《在晴朗的一天出發》中，認為Monique在記者會的七鞠躬謝罪是無謂的公關手段，阮子健說：「今次鞠7個，下次着水着再鞠7個，或者出驗尿寫真。」林海峯附和：「其實驗尿寫真聽落都有趣味，認真諗吓。」
from:
http://hk.apple.nextmedia ... art_id=13600469
