莊思敏日前到越南，為無綫生活台拍攝旅遊節目，她到了西貢和胡志明市等地，參觀了當地戰爭博物館，並狂掃夜市美食。
莊思敏說：「當地人好友善，不過語言溝通唔到，惟有靠body language，不過去到夜市就俾人呃，買對人手織拖鞋由15蚊美金（約116港元）講價減到7蚊美金（約54港元），點知隔籬本身賣3蚊美金（約23港元）。」
問到有否艷遇，莊思敏表示認識了一名日本rapper，她說：「佢喺當地開舖頭，猛咁問我攞電郵地址，又問我有冇拖拍，我同佢講我喺香港有男友，佢竟然話可以做我越南嘅男友。」之後她與工作人員到了一間由黑幫經營的爵士樂酒吧，她說：「我哋一拍嘢，佢哋即刻手指指，之後同番當地越南華僑傾番，佢哋都好驚訝我哋夠膽。」
from:
http://hk.apple.nextmedia ... art_id=13593170
