無綫「味之天使」、20歲藍莓劉俐工作唔多，又傳整容再傳5萬坐枱援交，不過劉俐碼到何家超盈玩得friend，分分鐘好過喺無綫捱妹仔。
24號平安夜，藍莓當然要出動，單拖殺入中環Volar再醉住拖仔走，兩人仲情不自禁街頭又挨又攬，平安夜真係浪漫嘞！
發現記者後，有米肥男即時戴番副2年前仲係潮物嘅Alain Mikli×Kanye West眼鏡擋一擋，不過匆忙間副超就戴歪咗，平安夜藍莓醉住拖攬斷正，翌日本刊再致電藍莓，佢就話：「佢阿妹係我best friend，我當佢係哥哥嚟o架！」
今年無綫「味之天使」冇個彈得起，最多講吓都係豆沙包（梁懿晴）喊住呻要焗陪老細，不過20歲內地新移民劉俐（藍莓）又似乎唔多介意喎，懶理援交傳聞keep住蒲，不過最緊要都係mark到超盈班富豪二代陪玩，同其他味之天使比，藍莓分分鐘率先上岸。
工作有限，大把時間hea嘅藍莓長期喺老蘭打躉，上週四（24日）平安夜蒲Volar當然唔少得佢，當晚凌晨1點單拖入Volar，玩足4個鐘，飲到醉晒嘅藍莓離開時仲拖埋個疑似有米潮男肥仔陪住走。
Kanye West
It's amazing~so amazing
斷正遮面
肥仔周身名牌應該有啲貨，記者上前拍照時，仲即時好驚青掩面，乜事咁鬼祟先？
着平底鞋嘅藍莓，劈咗4粒鐘，走嗰陣已經醉到行唔穩，矮佢些少嘅有米肥仔亦即時拖到實行，上臂頂埋胸，雙重享受！
肥仔攬住藍莓一路掃背，而醉晒嘅藍莓亦挨番實肥仔，場面好溫馨，不過藍莓仍堅稱：「我哋係朋友咋！」
冇句真
有米肥仔不時攬吓腰摸吓頭髮好親暱，兩人企喺路邊等過馬路時劉俐仲忍唔住挨落肥男度，不過見有記者影相，醉唔晒嘅劉俐話：「我哋啱啱識咋﹗係朋友咋﹗」
據知有米肥仔叫Kenneth，係劉俐有米世叔伯嘅仔，一向有意追求她，翌日本刊再致電劉俐，佢就話：「尋日見到咁多記者，我哋都嚇親，我同Kenneth識咗4年，佢係我best friend，嗰啲（攬住）只係禮貌。」平安夜蒲老蘭擺明玩自爆啦，啱啱識又變識4年，藍莓你都幾好戲噃！
肥監製錢國偉一手捧起第1代「味之天使」JJ，到第2代似乎冇乜邊個彈起，查實藍莓好得肥監製歡心，未正式做天使妹都已經帶住愛將出席活動，不過藍莓負面新聞多，肥監製都好難再捧佢囉！《壹週刊》圖片
超盈老死
賭王四房大女超盈為男友Greg戒夜蒲，不過間唔中出去玩都會見到藍莓長伴超盈左右，同超盈個保鑣一樣咁忠心。《忽然1周》圖片
o靚模平安蒲
平安夜大時大節，除咗劉俐要出動外，同場更見到肥監製錢國偉孖住四葉女Diva許家榆齊齊蒲Volar，另外仲有o靚模A.Lin同Annie G.出動，平安夜中環大星唔見影，不過總算有班o靚模吓，冇咁悶囉！
平安夜當晚同四葉女Diva一齊落Volar，錢監製就話：「佢話未去過Volar，咁佢唔係member入唔到，我咪帶佢入去囉，入到去都分開玩o架，我又見唔到劉俐喎，可能我冇留意！」
錢監製（左）捧女有計，暑假時就搵咗Diva（箭嘴）拍《四葉草之南華夢飛翔》，可惜之後Diva無以為繼。《忽然1周》圖片
o靚模獵食
平安夜唔想dry，單身o靚模當然要出動，其中A.Lin亦同埋已有日籍男友嘅Annie G.齊齊去老蘭搵食，兩個仲玩到天光6點先識打的走人。
