88歲賭王何鴻燊，趁澳門回歸十周年當日，請假出院還心願兼獲國家主席胡錦濤慰問，眼仔碌碌。賭王健康有起色，何家上下一身鬆晒，連三房索女何超蓮都可以鬆一口氣去識吓男仔
剛過去的聖誕假期，本刊發現超蓮一連幾日無論睇戲、開餐甚至睇演唱會，都有身高約6呎2吋、貌似日本型男山下智久的新緋聞男友JeremyWong陪伴在側。雖然sweet到爆，本刊卻發現，網上有位署名Jeremy Wong的人，曾於同志網站留言交友，還強調自己身高185cm，現於澳洲留學，各方面條件與超蓮的緋聞男友Jeremy吻合。超蓮揀男友都要挑戰難度，真係有賭王阿爸風範。
18歲亭亭玉立的賭王三姨太陳婉珍索女何超蓮，年頭自爆與初戀男友徐鈺恆（Tim）分手，但好勝超蓮卻不愁寂寞，剛過去的聖誕假期，本刊目擊超蓮幾乎日日孖住新緋聞男友Jeremy Wong遊街示眾。
超蓮上年初拖住舊男友徐鈺恒（Tim）去ball，二人拍拖唔夠一年就分手。據知Tim為人火爆，喺佢facebook度就發現曾有粗口留言，原來超蓮愛向難度挑戰。
超蓮最近應化妝師Annie G.Chan的邀請，化個靚妝影靚相參與「Be Real」慈善攝影展。冇正式入娛樂圈嘅超蓮，已經做咗紙上明星。
出入何家
平安夜當天，超蓮先到養和探完賭王老豆後，轉頭即call埋Jeremy到銅鑼灣睇《阿凡達》，同行還有兩名男女四人行，事隔一日後的Boxing Day就去睇《鄭秀文演唱會》。
在大批傳媒的追訪下，超蓮與Jeremy一直冇任何親熱舉動，直至週日（27日）傍晚，2人逃離大部分傳媒監視下，再出動到跑馬地麥當勞買外賣時，本刊發現兩人唔單只齊着灰色運動裝，仲戴住同款、分別寫上代表兩人英文名字頭的情侶帽，襯到絕！期間超蓮發現本刊記者，但心情勁靚的她竟反問記者：「你哋去邊呀？唔好亂寫呀！」記者連日來所見Jeremy不時於超蓮的渣甸山布力架徑大宅出入，可見二人關係相當密切。
27/12情侶帽
週日，二人全身灰色運動裝，仲戴住印有代表Jeremy的「J」字及超蓮英文名Laurinda的「L」字帽。當超蓮發現本刊記者影相，佢笑笑口同記者講：「唔好亂寫呀！」心情靚爆。
傍晚，超蓮跟Jeremy及友人離開布力架徑大宅到跑馬地的麥當勞買外賣。
入埋屋
喺麥記買完外賣，Jeremy（後）就同超蓮一齊坐七人車返回位於渣甸山布力架徑的何家三房大宅開餐。
24/12甜到漏
平安夜當晚，超蓮（左一）跟Jeremy（右一）及友人去銅鑼灣JP戲院睇《阿凡達》。睇戲前，超蓮仲拎咗2粒佢親手整嘅朱古力蛋糕「心太軟」（小圖）到養和醫院探賭王老豆，超蓮仲將其中一個蛋糕送畀記者，真係甜到漏。
網交同志
超蓮孖住高大靚仔Jeremy遊街出巡鬼咁sweet，但本刊卻於同志網站發現，有一位18歲網名為JeremyWong的男士，曾於去年底留言交友。雖然這名JeremyWong最近已剷除所有上載到該網站的個人靚仔相，但曾見過他相片的網站會員，卻與何超蓮新男友Jeremy Wong樣子超似，而資料上又發現這名Jeremy自稱於澳洲南部的Adelaide（阿德萊德）修讀飛機師訓練課程，居住地與超蓮男友Jeremy Wong在facebook加入的澳洲南部讀書的資料吻合（阿德萊德位於澳洲南部），同志網站留言中，該名Jeremy更聲稱於山頂居住，屋企還有私家泳池，有米有前途，唔少同志爭住回覆話想與他做朋友。
有本事拗直男友，超蓮高招過曾有同性密友的四房家姐超盈喎！
姿整型男
女人湯丸
正喺澳洲留學嘅Jeremy將喺當地唔少生活相放上facebook，當中仲有同女仔嘅合照，不過就好規矩，冇親熱。
Jeremy喺澳洲嘅屋企都幾大，但就同好多男仔一樣唔執屋，有啲亂。
同志爭舔
網名為Jeremy Wong的會員，曾於去年12月於同志網站「TT1069」留言交友，由於Jeremy自稱是飛機師學生，加上身高185cm（6呎2吋）兼有家底，故吸引超過50個回覆話想同佢交友。
Jeremy唔只將自己的檔案公開，更打埋其MSN嘅電郵地址，好讓有意結交他的同志互相通訊。
於網站交友區中，自稱住山頂有泳池的Jeremy，曾上載自己的照片（現已刪除），當時見過他真面目的網友大讚他靚仔過Edison（陳冠希），更取笑他高人住山頂。
