崔建邦涉嫌毆打鄺敏慧（中巴）一事，至今只有女方指控遭人以鉸剪腳夾頸搶手機。昨日卻爆出另一版本，有指唐詩詠曾接到過百通電話騷擾，唐詩詠昨日在電話中說：「我記得9月頭有一日開緊工，所以聽唔到電話，原來晏晝接到超過70幾個電話，全部冇來電顯示，又唔知邊個搵得我咁急，但又唔留message畀我，好神秘又好奇怪。」唐詩詠謂此事讓她感到受騷擾，至於有否懷疑是誰，唐詩詠說：「咁我就唔評論啦。」
消息指中巴為博知名度易接工作，要求公開與崔建邦的戀人關係，還爬窗威脅男友要跳樓，崔建邦遂衝前把她強行拉下，推撞間二人均有瘀傷。又有指中巴不只一次以死相逼，她曾因懷疑崔建邦與唐詩詠藕斷絲連，二人在行駛中的車廂嘈交，中巴謂要公開關係，否則寧可跳車遭車撞，崔建邦即停車勸止。記者就此事聯絡中巴及崔建邦，至截稿前未有回覆。
from:
http://hk.apple.nextmedia ... art_id=13578348
