日本藝能市場龐大，唔一定要女優、模特兒先紅得起，就算配音一樣可以發圍。
21歲平野綾，代表作係聲演動畫版《死亡筆記》女主角彌海砂，仲踩入樂壇出唱片兼開騷，賣肉拍寫真更大賣，有聲有樣，o架仔封佢做《聲優女王》（即配音女王）；29歲師姐水樹奈奈仲勁，唔只扮人聲、動物聲，甚至機器聲瓣瓣掂，唱動漫主題曲更唱到上Oricon銷量榜冠軍，難怪今年紅白都搵佢撐場打救收視。
5呎3吋高，報稱3圍32B、23、34嘅平野綾，身材雖然唔夠勁，勝在把聲夠嗲，唔迷死電車男就奇。
唔係得把聲平野綾
14歲已入行做聲優嘅平野綾。鋪鋪配正人氣角色、起朵作係《死亡筆記》動畫版女主角彌海砂，代表作要數06年開始hit到鶽家嘅《涼宮春日的憂鬱》嘅女主角春日，特色係高8度嗲聲，一句「Yamete」唔只引死o架仔，連香港宅男都當佢係精神食糧。
嬌嗲春日
平野綾最令港男着迷，要算係以高8度嗲聲配《涼宮春日的憂鬱》女主角春日角色，最近連電視台都搵佢即場示範配音絕技。
當眾擘髀
紅透配音界後，07年殺入樂壇開埋演唱會，平野綾逢出騷例必着短裙踢吓腿露喱士邊，有聲有畫。
行路練聲
靠把聲發圍，其實平野綾曾下過唔少苦功，她曾於訪問中自爆：「我細細個已開始學晒屋企人包括爺爺、嫲嫲講嘢嘅特徵，得閒更對住啲寵物如貓、狗等講嘢學佢哋嘅叫聲。鶽家每晚行路返屋企時都會自言自語扮唔同人嘅聲線，唔少途人以為我神經病。」
平野綾之所以紅得起，唔只聲懷絕技，最重要係夠kawaii又肯露，自前年開始已出過5本賣肉寫真，今年中推出《Girl Friend》更勁賣4萬本，銷量拍得住佐佐木希最新寫真集《Non》。十項全能，平野綾紅得有道理。
夠瞓身
上年推出寫真集《Aya File.1》，平野綾肯露又夠瞓身，寫真大賣8萬本，銷量勁過日劇天后長澤正美本《No Meaning》成倍。
出道8年，前年就憑聲演《死亡筆記》動畫版嘅彌海砂一角，奪得日本動漫節「最佳聲優大獎」。她曾自爆：「我嘅夢想係做歌星，但深知日本好多動漫迷，我應市場需要先選擇做聲優。」做埋市場研究，抵佢紅啦！
宅男至愛 水樹奈奈
做聲優彈起唔只平野綾，仲有29歲、入行11年嘅水樹奈奈。奈奈最為港男熟悉嘅作品，要數她聲演動漫《火影忍者》女角日向雛田把甜到暈嘅溫柔聲。曾攞過日本動漫節「最佳聲優大獎」嘅奈奈，出道以來唱過唔少卡通片主題曲包括《魔法少女奈葉》片頭曲〈EternalBlaze〉，唔只受日本動漫迷歡迎，連香港宅男都封佢為「聲優女神」。今年紅白仲搶住搵佢處女登場引電車男刺激收視，成為史上首位聲優入選紅白，人氣爆晒燈。
扮女僕
間唔中，奈奈都會玩吓cosplay扮cutie女僕，難怪宅男咁迷佢。
奈奈最出名係聲演《火影忍者》女角日向雛田，每次見到佢心愛的男主角「名門」就會大叫：「Naruto（名門）」。呢套動畫半年前逢週六晚於TVB播映，好多人追看。
水樹奈奈雖外貌同形象都娘娘哋，但勝在聲靚，出道10年已聲演過100套動畫及30個遊戲，差唔多日日有工開，被日本傳媒譽為「多產聲優」。
日本動畫有創意兼且畫功精細，除咗日本人，就算香港宅男，甚至潮星都勁迷。
「平野綾、水樹奈奈我就唔識佢哋，但一直有追開日本動畫，最鍾意係《超時空要塞》，畫功好劇情又緊湊，25年前開始追到上年大結局。」
「知平野綾好出名同kawaii，但唔係我杯茶。最迷係《男兒當入樽》，因為個個籃球隊員都好型、入樽姿勢更加型到爆。」
「我鍾意水樹奈奈多過平野綾，因為奈奈個樣夠純情，同埋我最鍾意嘅動漫《火影忍者》都係奈奈聲演女角日向雛田把聲，真係好甜。」
